Onsdag 25. September, 2002
Dei få gongene eg nyttar bussen for å forflytte meg frå ein stad til ein annan, dukkar det til tider opp bittesmå problem som eg har vanskar med å finne løysingar på:
- Kvifor må folk trykke seg saman framfor utgangane i bussen?
- Har eldre rett til å dytte deg til sides for å kome seg inn i bussen, når du i utgangspunktet ville ha flytta deg, om du hadde sett vedkomande kome før du kjende albogen i sida?
- Kor gamle/uføre skal personane vere før du spør om dei vil sitje på plassen din?
- Kva seier du til personar som blir fornærma når du spør dei spørsmålet ovanfor?
- Skal du vekke ein person som siklar nedover jakka si?
- Korleis skal ein reagere når ein står i midtgongen og brått kjenner ei hand på rumpa, utan at du har kjende rundt deg?
Dette er berre nokre av spørsmåla som dukkar opp …
Diverse
Forrige
|
Neste