Lørdag 25. Desember, 2004
For over eitt år sidan fortalde eg om dei uendeleg store stablane med bilete som har lagt og venta på å bli sett inn i album. No i jula har eg klart å gjere eit kraftig innhogg i denne bunken og no kan dei gjenståande konvoluttane med bilete teljast på ei hand. Då har eg til og med fått arkivert alle negativa i eit eige album.
Ein viktig årsak til denne raske progresjonen, er at Ellen, som alltid har klart å lime inn sine bilete etter kvart, òg har limt inn ein del av mine bilete for å samle bileta våre frå dei same hendingane. Det er godt ein av oss er effektiv på det området.
Å ja, forresten: God jul og godt nytt år til alle saman. Vi feirer jula på jobb her i snøkvite Bergen.