Blank spot

Torsdag 21. August, 2003

Det hender av og til at eg får med meg God morgen, Norge på TV2. Ein dag såg eg at TV-kokka Wenche Andersen bakte eit brød som verka så enkelt at eg ville prøve det med det same. Korleis ho gjorde det følgjer her:

• 7 dl vatn
• 25 g gjær
• 4 ss olivenolje
• 1,50 ts salt
• 0,50 ts sukker
• 14 dl kveitemjøl
• olje
• flaksalt
• krydder, td. rosmarin eller oregano

Løys opp gjær i lunka vatn. Set til 3/4 av olja, salt og sukker. Elt inn kveitemjøl. Deigen skal ha ein tjukk grautaktig konsistens. Ha i resten av olja heilt mot slutten slik at ho smører seg rundt deigen. Dekk bolla med plastfilm og set til heving i omlag 30 minutt. Hell deigen over i en smurt eller bakepapirkledd lita langpanne. Klapp deigen til den dekker forma. La deigen etterheve under plast i omlag 20 minutt.

Hell litt olivenolje over det ferdigheva brødet. Stikk hol i brødet med fingertuppen og dryss over grovt salt (maldonsalt) og eventuelt krydder. Steik på nedste rille i varm stekeovn 200 ºC i 20-30 minutt. Avkjøl på rist.

Mat

Forrige | Neste

---

Kommentarar

---

---