Blank spot
Bobby McFerrin kjem til Bergen
Onsdag 26. Juni, 2002
...og eg har sikra meg billettar! Eg såg heilt tilfeldig i avisa ein gong i vår at mannen med den utrulege stemma hadde tenkt å ta turen til Oslo Konserthus. Medan eg søkte på billettane hos Billettservice, oppdaga eg at han ikkje berre skulle til Oslo, men at han òg ville besøke Bergen og Trondheim. Det tok ikkje lang tid før eg bestilte billettar!
For ein tid tilbake vart det vist eit opptak frå ein av konsertane hans i USA, og det har ikkje lagt nokon dempar på forventningane. McFerrin, som mellom anna står for den kjende slageren «Don't Worry, Be Happy», har eit utruleg spenn, både når det gjeld stilartar og stemme. Alt frå klassisk, via jazz, til popmusikk har han vore innom og det har resultert i fleire plater. Det siste albumet, «Beyond Words» kom ut tidlegare i år.
Så no ventar vi berre på at det skal bli august og konsert i ærverdige Logen her i Bergen.