Blank spot
Destinasjon Lofoten
Mandag 22. Juli, 2002
I den siste veka av ferien skal vere i Lofoten. Dette er noko vi har gleda oss til lenge, i og med at verken eg eller Ellen har vore så langt nord før og dei siste dagane før avreise mot nord har vi følgd intenst med på vêrvarslingane. Dei har forresten lova godt, med regn i sør og sol i nord og i det vi reiste frå Oslo mot Bodø merka vi allereie regndropane i lufta.
Men forventningane til opphaldet i Lofoten vart innfridd allereie under turen med fly frå Bodø til Leknes. Med kun nokre få skyar rundt oss, hadde vi fri sikt ned til øyane vi skulle vere på dei neste 7 dagane, med sandstrender og bare, bratte fjell. Skjærbrygga i Stamsund var målet, der vi, saman med andre gjestar i bryllaupet, skulle overnatte i rorbuer.
Bryllaupet i Stamsund
I helga var det først og framst bryllaupet til Lars Fredrik Gjølstad (ein barndomskamerat av Ellen) og Malin Abrahamsen som stod på programmet. Den sydlandskinspirerte kyrkja i Stamsund skapte ei flott ramme rundt eit brurepar tydeleg prega av alvoret og det heile vart ein svært koseleg affære. Sjølv sprang underteikna rundt med videokameraet til brudgommen i eit forsøk på å forevige det heile for paret.
Ein innlagd rundttur med guide i Lofoten før middag gav oss sjansen til å bli betre kjend med området. Etter kvart som middagen var fortært og talene var unnagjort såg det ut til at dei nygifte endeleg kunne slappe av meir.
Søndagen etter bryllaupet hadde vi felles middag saman med vennegjengen til Ellen på Skjærbrygga. Deretter var det fest i rorbu nr. 10.
